مواقف في غرفه الولاده!!

[كنت اظن وخاب ظني]

رد: مواقف في غرفه الولاده!!

المشاركة الأصلية كتبت بواسطة ام رحيق

[تأخرت عليكم ........

ولادتى فى رحيق كانت مبكرة

فجأة ماية البيبى نزلت وزوجى كان لسه سايبنى ونزل يسافر فى شغل من ساعة

ومفيش اى حد معايا غير ربنا سبحانه وتعالى

اتصلت بالطبيبة قالت تعالى حالآ قلت لها لا

انا هستنى زوجى قالت كده خطر انا مش عارفة كمية الماية أد ايه

المهم مفيش حد جمبى اهلى فى البلد وزوجى كان تقريبآ وصل لمكان الشغل

أخدت تاكسى ورحت بعد ماكشفت الدكتورة قالت هتلدى قيصرى قلت لا

انا عايزة طبيعى قالت ان الرحم مش مفتوح بشكل كافى

ومش هينفع غير بالطلق الصناعى قلت موافقة وياريت ماقلت

شفت 5ساعات من العذاب والتفتيت وبعد ما دخلت حجرة الولادة

كنت هموت كل ما رحيق تيجى تنزل ترجع تانى قعدت ساعة واكتر

لحد ما قلت لها خلاص رجعونى انا مش هولد وسبحان الله بعد دعائى

جت رحيق للدنيا والطبيبة اكتشفت ان الحبل السرى

كان ملتف حول رقبتها

لما شفت البنت مصدقتش نفسى الطبيبة قالت انا كنت خلاص هولدك قيصرى

لكن ربنا نجاكى كنت هتشوفى كل انواع الولادة النهاردة

والحمد لله

طولت عليكم بس الحكاية لازم تتحكى بالتفصيل ...............size="5"][/size]

كنت انتظرك من فتره ربي يحفظ لك رحيق وربي يجعل مثوآآآآك الجنه وننتظر الولاده الثانيه!!هههههههه

[محيرني]

يالله بسم الله


الولاده الاولى!!طبعا الاخت اللي هي اناكانت بكريه وماتعرف عن الولاده إلا اسمها(ماانسى من هبالتي كنت في اول كليه والبس ثوب الحمل رسمي اسود وبلوزه ابيض وحط شعري قرنين مثل الاطفال واجري وانط مع الدرج حق الكليه يعني فالتها ولاكأني حامل :dجاءيوم الولاده وانا العب على اهل زوجي اناحملت بعدشهر العسل مباشره يعني ماخلصت شهر الا وانا حامل في اسبوعين:dاذاسألوني حامل في كم شهر مره اقول في سبعه ومره في سته اشهر واليوم اللي رحت اولد فيه كان عندهم عشاء وصرت اشتغل معهم واشيل صحن الرز الكبييير وحماي يقول الخبله هذي لاتخلونها تشيل معاكم مو صاحيه لانو صار موقف وخلاه ياخذ فكره اني بجد هبلا((((طلعنا البر وكان الطبخ فيني وانا توني ببداية حمليالمهم شفتوا جركل المويه الاسود الكبيييييييييييييير حق الرحلات؟هذاكنت اغسل بعض ادوات الطبخ واللي كانت ماسكه الجركل وتصب لي الماءاخت زوجي فكت الجركل علي وانا جالسه اغسل وصاحت البنت يحسبونني باسقط من ثقله عاد اناماانتبهت لنفسي وارفع الجركل اللي اثقل منه مافيه وماشفت الا عمي ابوزوجي واخوان زوجي يركضون من بعيدفكروا انا اللي صحت وهاوشوني ليش ترفعي الجركل وانتي حاامل ياغبيه قلت وانا منحرجه عشان المويه ماتنتثر بالتراب!!!!قال حماي الكبير انزلي انزلي ولاعاد تقربين من المويه ياهبلا فاهمه؟؟؟؟؟))))اللي انا مستغربته زوجي ماركض معهم تدرون ليه فكر اني سقطت وهو ماصدق على اني احمل لانه تزوج قبلي وماخلفت يوم سألته قال ماشالتني عظامي اركض معهم بس الصيحه كانت قوييه نشف دمي قلت والله مو انا انها اختك فكت الجركل وصاحت واهلك سمعوا وجاو ركض!!!!!!!!!
نرجع للولاده والناس عندنا كل ماجاني طلق شهقت وفتحت عيوني فلاحظوا الحريم الموجودين واسألوا وش فيك اقول لابس قرصتني نمله سوداطبعا الطلق مو قوي مره وتكرر المره الثانيه فقمت بسرعه ورحت شقتي لقيت عمتي ام زو جي جالسه تقطع ملوخيه ساعدتها شويه بس الطفل عندي منعرض فما كنت اقدر انحني كثيرارتحت على ظهري الاوجاني الم موطبيعي بعدماخف شوي نمت الساعه1ونص انتبهت لنفسي الساعه3ونص الا وانا غرقاااااانه وقمت انا ياويلي ويلاااه معقوله سويتها في الفراش !!!!واغطي مكاني عشان زوجي مايشوف عملتي السوداء واروح دورة المياه(أكرمكم الله)الاوالمويه تمشي معي مثل الصنبور ولاتوقف فتذكرت كلام اختي قالت الولاده الم فظيع أو تنزل معاكي مويااات كثيييير فعلى طول روحي المستشفى رحت وكلمتها وقلت لها كيت وكيت قالت بسرعه روحي المستشفى قبل تنشف المويع المهم ماكذبت خبر ورحت لزوجي وهوفي عز النوم بأعلى صوتي قوم قوم ولاده ولاده @المسكين قام ووداني لمستشفى الخاص اللي انا اراجع عنده سوواستدعاء للدكتوره بس يوم وصلت المستشفى مالقيت نفس الدكتورة اللي انا طالبتها بالاسم جايبين وحده ثانيه جات وانا امتر الغرفه رايح جاي طبعا ماعندي طلق من رحمة ربي ماني احس بألم قوي ورايح جاي بالغرفه اذن الفجر وادخل اتوضأ واصلي مااعرف انه مايجوز الصلاه توقعت نزول الدم بس اللي يمنع الصلاه دخلت وسدحتني على السرير اللي ينثني مدت رجلي فصارت رجلي برا السرير قلت دكتوره حطيني على سرير اكبر وش ذا اللي مايوسع رجلي قالت ياماما نزلي رجلك ابي اشوف الرحم عندك كم سم المهم عارضت وقلت ادب واللع لآعلم زوجي واني رجلي عند بطني بعد ماقاست قالت 1سم ياماماانسدحي على ظهرك ومدي رجلك قلت انسدح على كيفي مو انا دافعه فلوس انا كذا مرتاحه راحت ماأدري منهي كلمت واسمعها تقول عمرها18 وبكريه وعمال تمشي وتصلي لمانشوف آخرتها إيه بعدشوي جات الممرضه بالكرسي المتحرك عندي أشعه تلفزيونيه قلت اقدر امشي خليني امشي عشان تتسهل ولادتي وأولد طبيعي قالت لاياماما انتي عندك مويه ممنوع المشي رحت لغرفة الاشعه وانا كلي امل اني اولد طبيعي ولكن طلعت منها وكأن أكبر باب في الدنيا تقفل فوجهي بعد مااتضح ان المويه كلها نزلت وما بقى الا 5سم ن الماء على وجه الجنين وقررت لي عمليه قيصريه والولاده الطبيعيه نسبة نجاحها5%لان الطفل في وضع جلوس انا انهرت جات وجلست على مكتبها وقالت لزوجي العمليه فورا وتدفع 6500مبدئيا وقع على شروطها والعمليه كانت في ذيك الايام كانت تجرى ب5000في نفس المستشفى استغربت بس كنت غارقه في دموعي من الصدمه اني مااقدر اولد الابالعمليه المهم قالت وقعي يوم فكرت قلت وين الدكتوره.............انا طلبتها بالاسم ليه ماجات قالت بتجي اثناء العمليه تشرف عليكي حسيت اناكذابه لان الدكتوره هذي ماحد يثق فيها كثير والكل يمدح الثانيه وهي اللي تولد اختي المهم فكرت قلت يابنت اولا الدكتوره مو اللي طلبتيها ثانيا قالت عندي فقر دم ويمكن تتضاعف حالتي مع الولاده فخفت صراحه ورفضت التوقيع زوجي يناظر فيني ياللا حبيبتي وقعي انا جنبك والفلوس تفداك لو يطلبون 10000اهم شي سلامتك قلت ابي أمي قال لاتخافين قالت الدكتوره متخفيش كلها ساعتين وتصيري زي القمر قلت ابي أمي يالله مشينا قال يالله مشينا خرجت من المستشفى وصرت بالسياره قلت وديني مستشفى الولاده العام قال الظاهر انك منتي صاحيه اذا انتي عشان الفلوس تفداك انزلي قلت وديني المستشفى اذا تعسرت حالتي نقلوني فيه فاحسن لك وديني من الحين افضل وبعدين ليه تكلم اهلي وتعلمهم اني اولد انامافهمتك لاتقول لهم شي لحد مااخلص الحين تقلقهم ومابعد صار شي قال انتي رايحه تولدين ولا تهاوشين انا ماقلت لهم الايوم خفت ومادريت وش اسوي فقلت لهم عشان يصير عندهم علم لايصير لك شي وهم مايدرون رحت الولاده وتبي تحط لي القصدرة وماخليتها تألمني فضربتني السستر في رجلي عاد انا تجننت واتصل على عمي الساعه 6الفجر وهو باقي في البيت وهويشتغل بنفس المستشفى مدير شئون المرضى ( ألو ياعم يضربونني آآآآآآآآآآآءءءءءوابكييييييييييييييييي)قال انا باقي ماداومت بس باكلمهم يهتمون فيك وانتي استحملي شوي ترى هذي ولاده مو لعبه قلت ان شاء الله جلست الا والسستر داخله يا هبيبي ايام سورييييي قلت فنفسي حبتك القراده ايه الحين عرفتي تتعاملين زين معاي دخلت التخدير ومن بعدها العمليات والحمدلله عدت على خير

[كنت اظن وخاب ظني]

محيرني يالبى قلبك والله انك دخلتي قلبي بسلوبك المميز والصريح وواضح انك على نياتك ربي يرزقك على قد نيتك الحلووووه امآآآآآآآآ مغامرتك بالولاده شيء رهيب والله انك فلتيها لابعد درجه اهم شي ماصار بالنونو شي وشرفني مرورك المميـــــــــــــــــز لاعدمتـك يآآآآآآآآآآرب وننتظر الولاده الجايه بمغامره ثآآآآآآآآآنيه هههه,,,

[محيرني]

نجي للولاده الثانيه:
انا من النوع اللي ماأكشف لمعرفة جنس الجنين اللي يجي من الله حياه الله بس هامره كان حملي متعبني واحس اني ثقييييييله جدا لدرجه اني في الشهر السابع اللي يشوفني يحسبني في تسعه من ثقلي وكبر بطني في يوم من الايام كان عندي موعد آخرموعد قبل الولاده وبما اني عمليات وفي الاشعه التلفزيونيه وضح ان البنت كانت واقفه في بطني راسها فوق وفاتحه ارجولهاعلى ارجولي(سبحان الله حتى عيالي فالينها في بطني الاول وضع جلوس والتانيه واقفه) رحت الموعد الا واشوف السستر محظره وراي بكرسي متحرك وملف اكبر اكبر منه مافيه يالله تنويم (دقت ساعة الخطر لارجووووع الى الامام الى الامام ولاده ولاده)ابدا ماني حاسبه حسابي قلت لحظه وجلست ادور بالمستشفى ادور لعمي ابيبه يمنعها ماتنومني وانا بخير بعدين عندنا زواج ابي احضر المهم جلست ادور لعمي ومالقيته وزوجي يهاوش الدكتور اعرف بمصلحتك ولا ماكان نومك @يابنت الحلال وش تدورين قلت عمي ماابي اتنوم قال متأكده من قرارك لايكون اول مانوصل البيت تتراجعين ترى اذبحك قلت لاااااا مارح اتراجع المهم دخلنا على الدكتور اللي في العيادات الخارجيه يوم قرب يخلص دوامه قلت انا ماابي اتنوم قال ليه ياماما بعدين هذي مسئوليه قلت على مسئوليتي بس طلعني قال اذا ماجيتي قبل السبت انا مو مسئول على اللي بيصير لك قلت معليش السبت وانا عندك المهم خرجت ماكذبت خبر والى السوق واشتريت لي جلابيه عشان الزواج واحضر والعب العب قلت يمكن تنعدل قبل الولاده والخميس كانت ملكة بنت خالتي حضرتها كمان ماقصرت ههههههههههه:d ورجعت مع اهلي لبيتهم وتحنيت يديني ورجليني ونمت عندهم ويوم جامن بكره بعد الغدا رجعت بيتي ويوم جا السبت الموعود قمت وصليت الظهر ودخلت المطبخ كالعاده وقلت في نفسي اليوم لازم ادلع زوجي في الغدا لاني بعدالغدا رايحه اتنوم المهم قمت وصلحت له الرز المموش(اللي عليه مكسرات)وحركات والدجاج تبلته تتبيله جنان وصلحت له نوعين سلطه وعصير فرشششش لحاااله لان ولدي قد روحه عند خواله وزينت السفره زي نظام الفنادق عشان اذا مت من البنج ولااثناء العمليه يتذكر اخر وجبه صلحتهاله:d:dوانا جهزت لي سله حطيت فيها(كيسه كبييييره تمر برحي لاني اموت فيه وحافظه مليانه ملوخيه صلحتها عشان اذاجاأخر الليل وصرت جوعانه يكون فيه شي آآكله وكم عصير ومويه وبساكيت ومجله تسليني +شنطه الولاده اللي تحتوي على تغاييرلي وشامبو وصابونه ومشط ومنشفتين وفرشاتين ومعجون وغسول للوجه لي وللمرافقه مع شوية ميك آب كنت اظن اني باطول في التنويم لان اللي في الطواري قالت ماعندك اعراض الولاده تنويم كم يوم ثم عمليه الاربعاء لانه بيكون آخر يوم في شهري التاسع دخلت التنويم واحط اغراض الرحله اقصد الولاده واغراض البيبي حاسبه حساب الجلسه في المستشفى 4ايام بعد العمليه تغايير وحفايظ وحليب ورضاعه وكل شي للبيبي في الشنطه السحريه المهم دخلت بالشنطه حقت الولاده والسله خليتها وقلت لزوجي لماتفتح الزياره باكون انا صرت فوق طلع السله معاك وبعد الزياره رحت اشوف لي سمره عند حدا المتنومات لقيت عندها 3حريم واحنا في الجلسه الحلوه الساعه 11وربع جات الممرضه ونادت اسمي قلت انا نعم قالت انتي بكره عمليه صباح الساعه 7 وبعد الساعه12 انتي صوم مافي اكل طيب؟قلت ان شاء الله جاني مغص من الخوف وتذكرت ملوخيتي استأذنت من الحريم واروح اكل في غرفتي وانام بعد ماقريت كم دعاء وقريت في القرآن لحدماغلبني النوم ويوم جاء الصباح الين الدكتور اللي بيسوي لي العمليه من غانا اسمر وطوييييييل وضخم يخوف شكله دخل وهو معصب سال عني قلت انا فلانه ويوم شفته قلت بذهول (أشهد ان المووت حق) اللي جنبي فطست ضحك كشف علي وقال غرفة العمليات رقم 2فاضيه جيبوها الساعه 9 بعد ماطلع سالت السستر من بيسوي لي العمليه قالت هذا دكتور طارعقلي انا حجمي صغير خلقه ووزني كان 55 وقصيره يوم كشف علي احس ان يده اضخم من بطني لف بطني كله بكفه خلاص وقفت احلامي وانتهت الدنيا في عيني قلت على حياتي السلام ولين جوالي يدق وحده من اخواتي كان عندها سرطان بالدم وراح وحملت وبعد ولادتها الثانيه رجع لها المرض (الله يشفيها ويشفى كل مرضى المسلمين) تسال عني واخبارك متى حددوا عمليتك قلت الحين فاستغربت مو قالولك الاربعاء قلت الا بس الدكتور جاء وقال فيه غرفة عمليات فاضيه الحين يمكن اذا جاتني ولاده تكون الغرف مشغوله قالت ومن الدكتور قلتلها واحد غاني يخوف فعرفته قالت هذا اللي يولدها بعملياتها وعارف باللوكيميا اللي عندها ومع ذلك الحمدلله ولدت وصارت بخير وطمنتني عنه قالت تراه ممتاااااز ولاتخافين ان شاء الله بتقومين بالسلامه احس ان كان أحد نثر علي مويه باااارده وارتحت وكمان عدت هذي الولاده على خير اما الولاده الثالثه لحالها فلم هندي يجنن اقولها لكم بعدين

تصيحون على خير

[كنت اظن وخاب ظني]

لبى قلبك ياحليلك والله امي بغت تمووووت بااختي الين توها طلعت الاربعين الخميس اللي فآآآآآآت ربي يعوض امي ويعوضك وكل امي بالجنه يآآآآآآآآرب ,,,بس اهم شيء انك حضرتي الملكه والزوآاج<<نصايح حرمه هههه واللهم ياحي ياقيوم ياذا الجلال والاكرام اسألك باسمك الاعظم الذي اذا سألت به اعطيت ان تشفي اخت اختي محيرني من مرض السرطان شفاء لايغادره سقما وان تلبسها ثوب الصحه والعافيه يآرب العالمين واللهم صلي وسلم وبارك على نبينآ محمد عليه الصلاه والتسليم,,,


وبنتظاااااااار مغامرتك الثالثه ياعسل,,,,